சமையல் எரிவாயு சிலின்டரின் விலையை 8ஆம் திகதி நள்ளிரவுடன் குறைக்க தீர்மானம் : லிட்ரோ நிறுவனம்

எம். மனோசித்ரா
General Issue

லிட்ரோ சமையல் எரிவாயு சிலின்டரின் விலையை எதிர்வரும் 8ஆம் திகதி நள்ளிரவுடன் குறைப்பதற்கு தீர்மானிக்கப்பட்டுள்ளதாக லிட்ரோ நிறுவனம் தெரிவித்தள்ளது.

உலக சந்தையில் ஏற்பட்டுள்ள விலை குறைப்பை கருத்திற் கொண்டு இந்த தீர்மானம் எடுக்கப்பட்டுள்ளதாக லிட்ரோ நிறுவனம் மேலும் தெரிவித்தள்ளது.

லிட்ரோ சமையல் எரிவாயு விலை இன்று நள்ளிரவுடன் குறைக்கப்படும் என முன்னதாக அதன் தலைவர் முதித்த பீரிஸ் தெரிவித்திருந்தார்.

எனினும், எதிர்வரும் திங்கட்கிழமை நள்ளிரவுடன் லிட்ரோ சமையல் எரிவாயு விலை குறைக்கப்படும் என அறிவிக்கப்பட்டுள்ளது.

இந்நிலையில், அண்மையில் 12.5 கிலோ கிராம் எரிவாயு சிலிண்டரின் விற்பனை விலை 50 ரூபாவினால் அதிகரிக்கப்பட்டதுடன், தற்போதைய விலை 4,910 ரூபாவாகும்.